Vlorë Policia ka arrestuar në flagrancë për “Dhunë në familje” dhe “Veprime në kundërshtim me Vendimin e Gjykatës”, shtetasin A.Sh., 41 vjeç, banues në Vlorë.

Seksioni për Hetimin e Krimeve pranë Komisariatit të Policisë Vlorë ka bërë kapjen dhe arrestimin e tij pasi ditën e djeshme ky shtetas ka shkelur Urdhërin e Gjykatës duke shkuar në banesën e familjarëve të tij në lagjen “28 Nëntori” dhe ka dhunuar psikologjikisht vëllain, nënën e tij por edhe të afërm të tjerë për motive të dobëta.  Bëjmë me dije se kjo situatë është e përsëritur pasi 41 vjeçari ka qenë i dënuar më parë për të njëjtën vepër penale.

Sarandë Policia ka arrestuar në flagrancë për “Drejtimin e automjetit në mënyrë të parregullt”, shtetasin E.H., 35 vjeç, banues në fshatin Kutalli, Berat. Arrestimi i tij u bë në aksin rrugorë pranë “Kanalit të Çukës”, pasi u kap duke drejtuar motorrin pa leje drejtimi përkatës dhe në gjendje të dehur.