Për të frenuar përhapjen e COVID-19 Komiteti Teknik i Ekspertëve ka vendosur vaksinimin me detyrim për punonjësit e administratës, punonjësit e supermarketeve dhe të qëndrave tregtare.

Nga ISHSH në Vlorë bëhet me dije se ka përfunduar tashmë inspektimi në 55 institucione publike në të gjithë qarkun ku 10 % e administratës rezulton e pavaksinuar.

Ndërkaq sipas kreut të ISHSH Vlorë Lorenc Rexho në terren janë angzhuar 7 grupe inspektimi nga këto 5 në Vlorë dhe 2 në Sarandë .

Pas përfundimit të kontrollit në administrata kanë dalë në rezultat se në 55 institucone kanë qënë gjithsej 2342 punonjës .

Sipas Rexhos nga këta kanë rezultuar 1776 të vaksinuar 274 të pavaksinuar ndërsa 16 janë paraqitur në punë me raport mjeksor. 41 prej tyre kanë kaluar tashmë covid-19 . 12 janë paraqitur me test Pcr dhe 4 punonjës mungonin për shkak të infektimit me covid19. Pas kësaj në Vlorë kanë nisur sot edhe inspektimet në qendrat tregtare.