Ende asnjë autor të arrestuar për ekzekutimin e 26 vjeçarit Kristjan Breshanaj pak pas mesnatës së të shtunës, 23 maj në zonën e njohur si “Uji i Ftohtë” në qytetin e Vlorës. Pista kryesore e hetimit është e kaluara në Belgjikë, por nuk përjashtohen as pistat e tjera. Burime nga grupi hetimor bëjnë me dije se ka dyshime se vr asja mund të jetë kryer me silenciator pasi nuk janë dëgjuar të shtëna.
Nga dinamika e ngjarjes dyshohet se autorët kanë qenë 2 të maskuar dhe kanë qëlluar nga makina. Më pas autorët kanë lëvizur me makinë 2-3 km më tutje në lagjen 10 ku dhe i kanë vënë flakën makinës me targa greke. Mendohet se nga aty janë larguar në drejtim tjetër me një makinë tjetër. Lagjja ku u gjet makina e djegur është pa ndriçim.
Deshmitare- Pas kryejes së ceremonisë mortore të dielën e 24 majit policia ka marrë në pyetje familjarë dhe miq të 26 vjeçarit të cilët kanë mohuar të kenë pasur dijeni për konflikte të vjetra të viktimës. Në cilësinë e dëshmitarëve okularë janë marrë dhe 3 persona të tjerë.
