Menjehere pas caktimit të Afrim Qendros si nënkryetar i Bashkisë për infrastrukturën ka nisur puna me ritme konstante për rehabilitimin e akseve dytësore të qytetit. Situata e vështirë infrastrukturore ka qenë vazhdimisht shqetësim i ndjeshëm i rajonit 4 dhe angazhim im në mbështetje të banorëve, si deputetë e zonës. Kërkesat e vazhdueshme për rehabillitim infrastrukturor të akseve rrugore të rajonit 4 që nisën të konkretizohen dhe, me këmbënguljen tonë dhe përgjegjshmërinë e të gjithëve, instutucionit të Bashkisë së pari, duhet dhe do të vazhdojnë.
Blloku i banimit pranë shkollës 9-vjeçare “Marigo Posio” po i nënshtrohet asfaltimit të rrugëve, disa prej të cilave kanë përfunduar, ndërsa është parashikuar rikonstruksioni i të gjitha akseve të amortizuara. Në bashkëpunim me Ujësjellësin Vlorë u zgjidh dhe problematika e furnizimit normal me ujë të pijshëm, problematikë e cila ishte kthyer në shqetësim për banorët. Përfundoi asfaltimi i aksit të rrugës “Enver Jaho”, investim i munguar prej vitesh, si edhe rrugës “Osman Haxhiu”. Nisi puna për rikonstruksionin e rrugës “Prenjo Petoshati”.
Këto investime konkrete në Rajonin 4 nxitin punë e shpresë për të tjera investime të kërkuara dhe të premtuara, duke lehtësuar jetesën e banorëve, por dhe të bizneseve që kryejnë aktivitetin në këto zona të gjithë bashkë për t’ju ofruar qytetarëve standarde për të jetuar dhe punuar në kushtet e duhura infrastrukturore do të vijojë gjithmonë kërkesa e përbashkët dhe vëmendja e veçantë për zgjidhje të problematikave të kësaj zone dhe jo vetëm.
