Vijon të jetë e pa zbardhur ngjarja e 9 janarit 2004. Edhe pas 18 vitesh, familjarët kërkojnë drejtësi për atë ngjarje tragjike. “Djemtë tonë na i ka vrarë shteti dhe është diskutuar të mbyllet politikisht” – thotë kryetari i shoqatës “9 Janari” Nikollë Mhilli, i cili kërkon që çështjen hetimore ta marrë SPAK…
Ndërkohë, anëtari i shoqatës, Ndoc Bjeshka, ka humbur djalin në atë tragjedi. Ai ka një kërkesë ndaj SPAK për të zbardhur ngjarjen dhe thotë se nëse nuk ka reagim nga SPAK do hyjnë në grevë urie deri në vdekje.
Tragjedia e 9 Janarit ndodhi në afërsi të Vlorës në vitin 2004, kur gomonia me 36 klandestinë u nis në det të trazuar në drejtim të Italisë nga gjiri i Palasës. Si pasojë e mbytjes së gomones, 28 persona humbën jetën.
