Thuajse të gjitha xhamat rrethues të “Pikës Panoramike”, e quajtur ndryshe si “Ballkoni i Vlorës” janë vandalizuar duke u thyer për të disatën herë, por jo vetëm kaq “ballkoni i Vlores” gjithashtu është ndotur nga mbeturinat e ushqimeve, këta persona si duket nuk e vlerësojnë si një vend të bukur ku mund të bësh foto apo të shijosh një pamje fantastike të Vlorës por si një KOSH PLEHRASH. Turp t’ju vijë.
Persona të papërgjegjshëm edhe pse nuk fitojnë asgjë, i kanë thyer ato duke I goditur me gurrje, grushte madje edhe me shishe të pijeve alkolike. Nuk arrijme ta kuptojme se për cfare arsye duhet t’i thyenin këto xhama “qytetaret” në thonjeza sepse besojme që pas ketij veprimi nuk duhen quajtur të tillë. Jo vetëm këto xhama kanë qenë ‘viktima’ të papergjegjshmërisë të banorëve por edhe fushat e sporteve në Zonen e Rrapit pikërisht poshtë “Ballkonit të Vlorës” jane në gjendje jo te mirë në krahasim me kohen kur u vendosën. I bejmë thirrje të gjithë qytetareve të vertetë të Vlores që nese jane dëshmitarë të akteve te tilla te kryera në rrugë, qofte ato grabitje telash korrenti, vandalizem, ndotje te mjediseve publike, dhunim të mjediseve dhe ambienteve të qytetit të Vlores etj, t’i ndaloni menjëherë që në këtë menyrë të kryeni detyrën tuaj si banor i këtij qyteti, Vlora është e bukur dhe madhështore, Le të përpiqemi sadopak që ta mbajmë të tillë qytetin tonë.
