Vidhen armë granata në bazën ushtarake të Pashalimanit në Vlorë. Burime për Vlora News bëjnë të ditur se 5 punonjës të bazës ushtarake janë proceduar penalisht. Mësohet se janë vjedhur 3 armë tip kallashnikov si dhe granata. Nuk dihet koha e vjedhjes por dihet që kjo u konstatua të enjten e 10 janarit. Zyrtarët e Ministrisë së Mbrojtjes kanë qenë atje ditën e djeshme për kontroll në bazën ushtarake të Pashalimanit.



