Akuzat e fundit te prokurorëve italianë mbi kanabizimin e 1/3 se vendit, fuqizimin e klaneve shqiptare në trafikimin ndërkombëtar të drogërave të forta dhe korrupsionin në nivele të larta të politikës në vend, zv ministria e Brendshme, Rovena Voda i ka komentuar nga Vlora.
Sipas saj, kjo nuk është fytyra e policisë së shtetit dhe se që prej 2017 vendi ka bërë progres dhe kanë intesifikuar luftën kundër kanabisit. Po sipas saj, këto janë lajme të pambështetura në statistika zyrtare të shtetit shqiptar dhe partnerëve ndërkombëtar. Ajo tha se mbi Shqiperinë po hidhet baltë e pamerituar duke theksuar se klanet mafioze shqiptare nuk mund të krahasohen me nivelin e trafikut në portet spanjolle, britanike apo turke. Deklaratat e zv ministres u bënë gjate inagurimit të zyrës së re të Aleat në Vlorë, për aplikimin e mjeteve të identifikimit.