Avokati Adriatik Llapaj ka ngritur një pyetje lidhur me procesin e votimit elektronik, që për herë të parë u vu në zbatim në njësinë numër 10 në Tiranë. Në një postim që ka bërë në rrjetet sociale, Llapaj teksa ka publikuar fletën e votimit, shkruan se mbi fletë ka një BAR-KOD identifikimi që bën regjistrimin e votuesve në bazë të listave zgjedhore.
Sipas tij nga ky BAR-KOD, mund të identifikohet vota e qytetarëve dhe në këtë mënyrë është rrezikuar fshehtësia e votës. Dhe në lidhje me rastin në fjalë Llapaj i drejton pyetjen Celibashit, për t’i dhënë një përgjigje.
“Nëse kryqëzohen të dhënat e QR-KODIT të fletës së votimit që i është dhënë zgjedhësit me numrin korenspondues te paisja e identifikimit të zgjedhësve a del emri i votuesit e për pasojë se për kë ka votuar ai?”- është pyetja që drejton Llapaj.
Postimi i plotë?
“Nëse kryqëzohen të dhënat e BAR-KODIT të fletës së votimit që i është dhënë zgjedhësit me numrin korenspondues te paisja e identifikimit të zgjedhësve a del emri i votuesit e për pasojë se për kë ka votuar ai? Faleminderit shumë! Nëse vërtetohet se del, atëhere zgjedhjet të fshehta nuk kanë qenë…të lira ndoshta! P.s është pyetje që do përgjigje,”-shkruan avokati.
NJË PYETJE PËR KOMISIONERIN SHTETËROR TË ZGJEDHJEVE
A ISHTE VOTA E FSHEHTË?
Konstatoj se fleta e votimit ka QR-KOD.
Konstatoj se aparati që bënte identifikimin elektronik të zgjedhësve bën regjistrimin e votuesve sipas radhës së votimit duke i identifikuar ata me numrin që kanë në listat zgjedhore.
Pyetje:
Nëse kryqëzohen të dhënat e QR-KODIT të fletës së votimit që i është dhënë zgjedhësit me numrin korenspondues te paisja e identifikimit të zgjedhësve a del emri i votuesit e për pasojë se për kë ka votuar ai? Faleminderit shumë! Nëse vërtetohet se del, atëhere zgjedhjet të fshehta nuk kanë qenë…të lira ndoshta! P.s është pyetje që do përgjigje.”
