Detaje të reja janë zbardhur nga ekzekutimi i biznesmenit Rakip Roli në Laç, i v rarë më 10 dhjetor në fshatin Sanxhak të Kurbinit, në afërsi të banesës së tij. Burime për media bëjnë me dije se autori 22 vjeçar Llej Lika ka qenë i përfshirë në një sherr me njërin prej djemve të v iktimës. Shkak për sherrin është bërë një vajzë, që më pas ka sjellë edhe degradimin e situatës.
Fillimisht autori dhe njëri nga vëllezërit Roli kanë ofenduar njëri-tjetrin me fjalë banale, ndërsa më pas në konflikt janë përfshirë edhe Rakip Roli dhe djali tjetër, të cilët e kanë rrahur 22 vjeçarin dhe i kanë shkaktuar plagë të rënda.
Kjo ngjarje ka sjellë edhe hakmarrjen e të riut, i cili së bashku me babanë Skënder Lika dhe shokun e tyre Klajdi Gjegjaj kanë ekzekutuar me breshëri plumbash biznesmenin Roli.
Gjykata ka caktuar “arrest me burg” për 3 autorët, ndërkohë që Llej Lika ka marrë përsipër të gjithë autorësinë e k rimit, duke u shprehur se babai dhe shoku nuk kanë asnjë lidhje me ngjarjen.
