Sokol Mjacaj, duket se ka vendosur ti mbajë për vete të vërtetat e tij për ekzekutimit e Arben Lleshit, në burgun e Peqinit me pistoletë të ardhur nga jashtë institucionit të sigurisë së lartë. 28 vjecari ka refuzuar statusin e bashkëpunëtorit të drejtësisë për të rrëfyer motivet dhe njerëzit që e ndihmuan në ngjarjen më të rëndë institucionet e vuajtjes së dënimit.
Në këtë situatë, vec provave të ngjarjes së 15 Dhjetorit, prokuroria shpreson të sigurojë të dhëna shtesë nga një telefon celular i sekuestruar 6 muaj më parë në qelinë që Sokol Mjacaj ndante me Fran Marashin. Burime të besueshme se telefoni ishte pajisur me internet dhe aplikacione komunikimimi, cka mund ta kthejë atë në një provë të rëndësishme për hetimin e ngjarjes ku Sokol Mjacaj ekzekutoi Arben Lleshin dhe plagosi Idrit Shaqjan brenda burgut ku tre vuanin dënime të përjetshme.
Prokurorët kanë dyshime se vrasja e Arben Lleshit, i dënuar për ekzekutimin e një shqiptari në Britani të Madhe mund të jenë të një krim i porositur nga jashtë. Indrit Shaqja ndërkohë besohet se u plagos aksidentalisht dhe ndodhet jashtë rrezikut për jetën.
Mjacaj qëlloi 5 herë ndaj Arben Lleshit me një pistoletë me mulli të cilën pretendon se ka hyrë nga dera kryesore e burgut të Sigurisë së Lartë në Peqin. Vrasja me pistoletë të sjellë nga jashtë, coi në pranga të gjithë zinxhirin komandues të Burgut të Peqinit të akuzuar për shpërdorim detyre. Vetëm pak orë para krimit, Ministri i Drejtësisë kishte firmosur mbylljen në regjimin 41 Bis të Sokol Mjacajt, me dyshimin se ishte përfshirë në aktivitetet kriminal brenda burgut, ku vuante dënimin për vrasjen e dy turistëve ceke në vitin 2015 në Prekal të Shkodrës! Aktualisht 28 vjecari po mbahet i izoluar në burgun e Fierit, ndërsa në vijim pritet të dalë para gjykatës!
