Prokuroria në Elbasan, ka kërkuar këtë të enjte burgim të përjetshëm për 38 vjeçarin Ramis Mici i cili vrau gruan e tij Jetlira Elezi.
Ngjarja ndodhi korrikun e vitit të kaluar ku Mici goditi me thikë për vdekje gruan dhe e la të mbuluar me gjak në banesën ku jetonin me qira dhe u arratis. Ishin pronarët e shtëpisë që e gjetën të pajetë gruan në mes të dhomës.
Jetlira Elezi ishte dhunuar edhe me herët nga bashkejetuesi, madje kishte kërkuar edhe ndihmën e policisë, e cila pasi e shoqëroi për disa orë dhunuesin e kishte lënë të lirë.
