Ambasadorja e SHBA-ve në Tiranë, Yuri Kim, është takuar me ministren e Bujqësisë, Frida Krifca, ku kanë folur për rritjen e bashkëpunimit në këtë sektor me Shtetet e Bashkuara.
Gjatë këtij takimi diplomatja amerikan shkruan se, kanë rënë dakord për të krijuar mundësi me qëllim rritjen e tregtisë dhe investimeve. “Takova ministren e bujqësisë Frida Krifcën për të diskutuar bashkëpunimin në këtë sektor të rëndësishëm.
Ne u pajtuam të eksplorojmë mundësitë për të rritur tregtinë dhe investimet (a e dini se 70% e sherebelës së importuar në Amerikë është nga Shqipëria?); nxjerr në pah se produktet bujqësore; mbështet turizmin në zonat rurale”, shkruan Kim.Ambasadorja së fundmi ka zhvilluar takime me disa prej ministrave të rinj të qeverisë “Rama 3”, ku kanë diskutuar mbi problematika dhe mundësi bashkëpunimi.
