Vendimi i Autoritetit të Konkurrencës për të dënuar FSHF-në vjen si pasojë e abuzimit që kjo e fundit ka bërë me shitjen e të drejtës TV në vitet e kaluara. Një nga abuzimet kryesore sipas Autoritetit të Konkurrencës është edhe konflikti i hapur i interesit që presidenti i FSHF-së ka në këtë mes. Kështu, në hetimet e Autoritetit në fjalë, rezulton se ka lidhje të drejtpërdrejta të presidentit të FSHF, Armand Duka, me kompaninë që ka siguruar të drejtën TV në thyerje të shumë ligjeve mbi konkurrencën e ndershme.
“Nga materiali i administruar rezulton se ka një ndërlidhje të interesave pasurore të përfaqësuesve ligjore të FSHF me pjesëmarrjen e tyre në aksionet e shoqërisë DIGITALB. Nga extratet e QKB, rezulton se shoqëria A.I.B.A. Kompani, me aksionar të vetëm Z. A.D., zotëron 9.23% të aksioneve në shoqërinë DIGITALB. Po ashtu, Z. A.D., në shoqërinë sponsorizuese AMA Caffee (Neë Century), zotëron 22.5% të kuotës së kapitalit, i cili në të njëtën kohë është edhe përfaqësuesi ligjor ([…])”, shkruhet ndër të tjera në këtë vendim.
Njëkoëhsisht relatohet se edhe sponsor të FSHF-së janë po ashtu aksionerë në kompaninë DIGITALB dhe ndaj tyre ka preferenca sa i përket transmetimit të reklamave gjatë ndeshjeve të futbollit duke penguar me kontratat e nënshkruara nga FSHF edhe transmetimin e reklamave të konkurrencës së tyre. Edhe vetë zyrtarë të FSHF janë aksionerë në kompani që sponsorizojnë institucionin e kësisoj, përfitojnë në këtë mënyrë reklamimi kundrejt konkurrencës që kanë në bizneset e tyre. Një shkelje e rëndë dhe konflikt i hapur interesi në procesin e shitjes së të drejtës TV në një kompani ku Duka është aksioner, që normalisht nuk duhej të ndodhte nëse FSHF do të kishte respektuar ligjet e shtetit shqiptar.
