Ish-kryebashkiaku i Kukësit, Safet Gjici ka folur sot për herë të parë para prokurorit të çështjes, ku ka dhënë sqarimet e tij mbi akuzën që i vështirëson pozitën, atë të korrupsionit pasiv.
Para se GJKKO të jepte masën e ‘arrestit me burg’ për Gjicin, ky i fundit ka folur para togave të zeza. Gjici ka mohuar të ketë shkelur ligjin pasi nuk ka parë asnjë projekt nga Alma K. Ai ka këmbëngulur se ka rënë në kurthin e atyre që s’e duan.
“Unë u ndëshkova për veprimin që kam bërë, unë e mora dënimin për gabimin që kam bërë. Nuk ka projekt, nuk kemi parë projekt, nuk kam shkelur ligjin.
Rashë në kurthin e atyre që s’më duan, nuk kam kryer shkelje ligjore. Kam dakord me qëndrimin e avokatit”, ka deklaruar Gjici.
Ndërkohë, Gjici me këtë akuzë rrezikon deri në 7 vite burg, por gjithçka varet se si do të shkojë çështja ndaj tij. Kujtojmë se GJKKO ka lënë në fuqi masën ‘arrest shtëpie’ për gruan, Alma K., e cila shfaqej në videon seksuale në zyrën e bashkisë.
