Njerëzit me ngjyrë kanë rrezik katër herë më shumë të vdesin nga koronavirusi sesa njerëzit e bardhë, sipas shifrave të publikuara nga ekspertët. Statistikët e qeverisë britanike analizuan numrin e të gjitha vdekjeve të lidhura në Angli dhe Uells midis 2 marsit dhe 10 prillit.
Të dhënat treguan se njerëzit me ngjyrë të disa grupeve etnike ishin më të ndjeshëm ndaj koronavirusit në krahësim me personat e bardhë. “Arsyet mbeten ende të pashpjegueshme”, tha Zyra për Statistika Kombëtare, e cila u mor me të dhënat.
Edhe disa studime të tjera shqetësuese kanë arritur në këtë përfundim. Meshkujt me ngjyrë kanë 4.2 herë më shumë të ngjarë të vdesin nga koronavirusi dhe femrat me ngjyrë janë 4.3 herë më të predispozuara se meshkujt dhe femrat e bardha.
