Ish-kryeministri Sali Berisha ka postuar në rrjetet sociale denoncimin e një pedagogu, i cili informon se Ministria e Arsimit dërgon lista për marrjen e mungesave të studentëve në auditore, për tu bërë presion.
Në shkrimin e tij, Berisha shprehet se me urdhër të kryeministrit Edi Rama, ministrja e shkarkuar, por që është ende në detyrë, Lindita Nikolla dhe ministrja e re Besa Shahini u dërgojnë pedagogëve çdo ditë lista për marrjen e mungesave.
“Kontroll tiranik mbi universitetet ne greve.
Me urdher te Skizoidit, Ndrikulla Besa-Linda kerkojne nga pedagoget qe te raportojne si repart ushtarak cdo dite mungesat ne leksione dhe seminare.
Përshëndetje Doktor…kjo lista që po ju dërgoj ka filluar që të hënën vjen me email në Universitete nga Ministria e Arsimit. Aty kërkohet që çdo pedagog të deklarojë prezencën në auditor të studentëve. Kjo shfrytëzohet si mjet presioni ndaj stafit akademik që të mbajnë studentët në klasa. Pedagogët e kanë refuzuar plotësimin ditor të saj”-shkruhet në postimin e ish-kryeministrit./CNA.al
