Një i moshuar në qytetin e Durrësit rezulton i humbur prej ditës së sotme.
Ka qenë familja e tij që ka kërkuar ndihmë në polici për gjetjen e të afërmit të tyre.
Sipas policisë mësohet se i moshuari është Astrit Xhelilaj, 80 vjeç, dhe ka humbur në zonën e Kavalishences në plazhin e Durrësit.
Të njëjtat burime bëjnë me dije se i moshuari vuan nga skleroza dhe ka me vete një byzylyk të gdhendur me të dhënat e veta si dhe celularin e të afërmve.
Policia dhe familja apelojnë për këdo që e sheh apo ka informacion të njoftojnë policinë.
