Vijojnë që nga dita e djeshme vatrat e zjarrit në fshatin Nikolicë. Flakët kanë përfshirë edhe zonën e mbrojtur ku deri tani janë djegur rreth 20 ha brenda në zonën e mbrojtur. Situata është tepër e rënduar. Në total është djegur më shumë se 50 ha bimësi e ulët , kullota dhe pisha.

Zjarri po përparon me shpejtësi drejt vijës kufitare me Greqinë. Sipas emergjencave civile, në rrezik janë edhe masivet pyjore të vendit fqinj. Rreth 1 km larg është vatra e zjarrit nga kufiri i gjelbër.

Forcat e ushtrisë, zjarrfikëset dhe inspektor të zonës ndodhen në terren për lokalizimin e flakëve.