Një banesë është përfshirë nga flakët në rrugën ‘Naim Frashëri’, në lagjen 21 Dhjetori në qytetin e Tiranës.
Burimet bëjnë me dije se banesa e përfshirë nga flakët është në pronësi të Spiro Jankos, i cili vuan nga probleme të shëndetit mendor. Kjo nuk është hera e parë që Janko i vendos flakën banesës së tij, pasi këtë veprim ai e ka përsëritur edhe 4 herë të tjera.
Në vendngjarje kanë mbërritur zjarrëfikset të cilat po punojnë për shuarjen e flakëve, ndërsa besohet se zjarri ka shkaktuar dëme të mëdha material.
