Një banesë përfshihet nga flakët në lagjen Çole në Vlorë pranë zonës të njohur si tek pallatet e Gorishtit. Fatmirësisht ka vetëm dëme materiale dhe jo në njerëz, por dëmet materiale vlerësohen të jenë të shumta.Pronarët e banesës kanë qenë jashtë në momentet që kanë rënë flakët. Momentalisht dyshohet se zjarri ka nisur si pasojë e një shkëndije elektrike. Ndërkohë, dy zjarrfikëse dhe policia e qarkut kanë shkuar në vendngjarje.
Njoftimi i Policisë:
Vlorë/Informacion paraprak Sot, rreth orës 18:30, në lagjen “24 Maji”, Vlorë, është përfshirë nga flakët banesa e shtetasit L. T, në katin e 4-të, të një pallati, ku janë shkaktuar vetëm dëme materiale. Në vendngjarje kanë shkuar menjëherë shërbimet e Policisë dhe shërbimi zjarrfikës. Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
