Kritikat me synime të mira ndihmojnë për t’u përmirësuar, por mendoj se po shohim një përpjekje të koordinuar për të përdorur në mënyrë selektive dokumentet e rrjedhura për për të pikturuar një imazh të rremë të kompanisë sonë, deklaroi kompania Facebook ndaj kritikave për mosveprimin ndaj urrejtjes, dezinformimit dhe paligjshmërisë.
“Realiteti është se ne kemi një kulturë të hapur që inkurajon diskutimin mbi punën tonë duke bërë përparim në shumë çështje komplekse që nuk janë specifike vetëm për ne”, shtoi kompania.
Rrjeti social Facebook po përballet me një krizë të madhe nga Cambridge Analytica.
Mediet kryesore amerikane, 17 në tërësi, publikojnë të ashtuquajturat ”Facebook Papers”, ku zbulojnë sekretet e rrjetit social të Mark Zuckerbergut.
Dokumentet e reja, më shumë se 10 000 faqe, ofrojnë një pasqyrë të asaj që po ndodh brenda kompanisë dhe procesin e saj të vendimmarrjes.
Zbulimet përfshijnë alarme të injoruara nga punonjësit lidhur me gjuhën e urrejtjes dhe dezinformimin si dhe kërkesat e tyre për të parandaluar politikanët dhe personat e famshëm në SHBA nga postimi i gjithçkaje që ata kanë dashur në rrjetet sociale, pavarësisht pajtueshmërinë me politikat e këtij rrjeti social.
Dokumentet zbulojnë gjithashtu ankesën e punonjësve për të ndaluar postimet që nxisnin dhunën në vendet në rrezik si Etiopia, por edhe raportet e vitit 2018 për trafikimin e qenieve njerëzore.
Dokumentet zbulojnë se si Shërbimet e Facebook janë përdorur për të përhapur urrejtjen fetare në Ind, në shkurt 2020, që përkon me tensionet që shpërthyen në Nju Delhi gjatë të cilave vdiqën 53 persona.
Ndër gjetjet janë edhe ato të raportuara nga ”Washington Post” që citon disa burime dhe që kanë lidhje drejtpërdrejt me Zuckerberg. ATSH
