Zëvendëspresidenti amerikan Mike Pence ka bërë sot vaksinën live, ndërkohë që e ka quajtur atje një “mrekulli mjekësore” dhe i siguron amerikanët “se shpresat janë në rrugë e sipër”. Ai tha se besonte te vaksina, dhe madje nuk e kishte ndjerë fare në momentin e gjilpërës. “Besimi në vaksinë është ajo që na sjell këtu këtë mëngjes,” tha nënpresidenti pas vaksinimit të tij. “Unë nuk ndjeva asgjë. Të lumtë”.
Gruaja e tij, Karen, dhe gjenerali kirurg, Jerome Adams, gjithashtu morën vaksinën gjatë ngjarjes televizive të Shtëpisë së Bardhë. Punëtorët shëndetësorë nga Qendra Kombëtare Mjekësore Ushtarake Walter Reed administruan vaksinimet. Në rreshtin e parë qendronin Dr Anthony Fauci, eksperti kryesor i sëmundjeve infektive në SHBA dhe Robert Redfield, kreu i Qendrave për Kontrollin dhe Mbrojtjen e Sëmundjeve.
Vaksinimi publik vjen në mes të shqetësimeve se përhapja e vaksinës mund të pengohet nga disa njerëz të interesuar në miratimin e shpejtë të saj. Fauci vlerësoi Pence dhe tha se “tani na takon të gjithëve të shkojmë përpara dhe të vaksinohemi”.
