Ministri i Jashtëm grek Nikos Dendias, do të vzitojë Tiranën në datën 20 Tetor. Kryediplomati grek mbërrin në Tiranë rreth 1 muaj pas vizitës së kryeministrit Rama në Athinë, i cili në datat 15-16 shtator mori pjesë në një konferencë rajonale në kryeqytetin grek. Gjatë kësaj vizite zyrtatre në Athinë Rama takoi dhe homologun grek Mitsotakis, madje pati dhe një darkë me të.
Arsyeja kryesore e vizitës së Dendias në Shqipëri është deti, që riktheu debatin edhe njëherë në dy anët e kufirit.
Ministri i Jashtëm i Greqisë Nikos Dendias tha pak ditë më parë që çështja e kufirit detar me Shqipërinë duhet të zgjidhet sa më shpejt që të jetë e mundur. Në një intervistë për mediat greke, ai u shpreh se shpreson te rinisja e dialogut. Dendias theksoi se zgjidhja e problemeve të vjetra është edhe në interesin e Shqipërisë duke pasur parasysh perspektivën evropiane.
Debati me Greqinë për detin u rindez, pasi Athina zyrtare deklaroi se do të zgjerohet me 12 milje në Jon. Kreu i qeverisë Edi Rama u shpreh se kjo çështje mes Shqipërisë dhe Greqisë zgjidhet me ndihmën e palëve të treta, ose gjykatave ndërkombëtare.
