102 vjetori i ndarjes nga jeta të Ismai Qemalit homazhe dhe përkujtim në Vlorë. Homazhe në nderim të babait të kombit shqiptar. Vlerësim dhe nderim për figurën e Ismail Qemalit. Jemi këtu ka theksuar kryetari i bashkisë Vlorë Dritan Leli për të nderuar figurën e themeluesit të shtetit shqiptar. Historia na tregon se duhet të jemi të vëmendshëm ndaj atyre që i kanë dhënë kombit vlera te padiskutueshme.
Cdo kush është i ftuar këtu sot. Në Vlorë nderohet kështu Ismail Qemali themeluesi i shtetit shqiptar në 102 vjetorin e ndarjes së tij nga jeta. Përvjetorët e Ismail Qemal Vlorës nuk do të mjaftojnë asnjëherë për ta kujtuar e falenderuar sa duhet, burrin e urtë e mendjendritur, për gjithë ç’i dha Shqipërisë! “Vepra e jote, përdita ndriçohet! Po ti o Burrë, na ike pa gas, Na le përjetë, po ti le pas Lirinë, Lirinë që Kombi lëvdohet”.
Me fjalët e Petro Markos, i përulem sot e gjithmonë veprës së tij, që ndriçoi historinë e kombit! Shtëpia e parë e qeverisë shqiptare, ishte vizita e dytë e kësaj dite, për të kujtuar e nderuar Ismail Qemal Vlorën. Për shkak të projektit të ri që ka nisur prej kohësh, Muzeu i Pavarësisë, sot, mund të jetë i vështirë për t’u vizituar, por shumë shpejt, investimi i ri qeverisë shqiptare do t’i rikthejë rëndësinë, duke e evidentuar mes një parku të gjelbëruar që do të vizitohet nga çdo turist që ndalon në Vlorë.
