Një aksident është shënuar mëngjesin e kësaj të mërkure në autostradën Lushnje-Fier, ku një automjet është përplasur me një Fuoristradë.
Mësohet se mjeti tip “Opel” me targa greke ka përfunduar në kanal, pasi është goditur nga pas nga makina tjetër, ndërsa drejtuesi, një emigrant rreth 40-vjeçar, është dërguar në spital ku ndodhet jashtë rrezikut për jetën.
Grupi hetimor po kryen veprimet për të zbardhur shkaqet e aksidentit ndërsa paraprakisht dyshohet se mjeti tip Fuoristradë nuk ka mbajtur distancën dhe në momentin që mjeti Opel kishte ndezur sinjalin për të dalë në rrugë dytësore është përplasur nga Fuoristrada dhe ka përfunduar në kanal.
