Një grua 105-vjeçare në Turqi ka arritur t’i mbijetojë koronavirusit, ndërkohë që mjekët konstatuan se ajo u shërua brenda 5 ditësh nga momenti i diagnostikimit. Sipas agjencisë Anadolu, Huriye Başkapan sapo kishte mbërritur në shtëpinë e djalit të saj në periferi të Stambollit, me qëllim që të shmangte rrezikun e lartë të qytet, kur kishte nisur të ndjente lodhje dhe mungesë orkesi.
Pasi vajza dhe nipi i saj të cilët e shoqëronin, rezultuan me të njëjtat simptoma, ata bënë një kontroll në spital ku rezultuan pozitivë në testin e Covid 19. Mjekët e këshilluan Başkapan të vazhdonte trajtimin në spital pasi konstatuan probleme me veshkat dhe mëlçinë.
Duke folur për agjencinë Andolu gruaja tha se ju deshën vetëm 5 ditë për t’u shëruar, ndërkohë që shumë të tjerë në gjysmën e moshës së saj madje, nuk ja kanë dalë nga Covid. Për mjekët shërimi i saj ka qenë një surprizë, edhe për faktin se gruaja vuante nga disa sëmundje kronike, që e rrisnin rrezikshmërinë.
“Duke patur parasysh faktin se është 105-vjeçe dhe kishte disa probleme kronike, ajo e përballoi sëmundjen shumë mirë. Ndihmoi edhe fakti që ndoqën me rigorozitet çdo këshillë që u dhamë pas qëndrimit në spital”, tha mjeku Emre Özge i cili e ndoqi pacienten.
