Një adoleshente 14-vjeçare është sulmuar rëndë ku tre vajza më të mëdha e mbyllën atë në një kafaz qensh dhe ia hoqën gjysmat e rrobave. Vajza 14-vjeçare u godit me shkelma, grushta dhe u fut me forcë në një dollap për 20 minuta. Angel Moore, Harriet Hallam dhe Yvonne McCrudden, rreth të 20-ave ndodheshin në një shtëpi ku të katërta po pinin dhe merrnin kokainë. Filluan debatet dhe gjërat u agravuan. Më pas, tre vajzat më të mëdha u sulën mbi vajzën e vogël, duke i grisur rrobat, duke e shtyrë në një dollap, duke i hedhur ujë dhe duke e shkelmuar. Ajo u përkul për t’u mbrojtur, por vajzat vazhduan ta sulmojnë. Më pas tentuan ta fusnin në një kafaz qeni, por ajo nuk u fut brenda. Qeni që ndodhej aty filloi t’i kafshonte ndërkohë që vajza arriti të shpëtonte por u rrëzua nga shkallët ndërsa po largohej.
Ajo nuk kishte telefon dhe gjysma e rrobave të saj mungonin, tha avokatja në gjykatë. Vajza shkoi në një shtëpi aty pranë dhe iu lut të zotit të shtëpisë që të thërriste policinë dhe nënën e saj. Gruaja tha se adoleshentja ishte një rrëmujë e madhe, e lagur, e ngrirë dhe shumë i shqetësuar kur trokiti në derë. Të tre gratë u deklaruan fajtore për sulmin që shkaktoi lëndime trupore. Moore dhe Hallam u paraqitën në Gjykatën e Preston Croën për t’u përballur me dënimin, por McCrudden nuk mori pjesë dhe u lëshua një urdhër për arrestimin e saj. Moore, nga Selby Street, Nelson, duhet të kryejë 30 ditë rehabilitimi dhe është nën shtetrrethim nga ora 21:00 deri në 7 të mëngjesit për tre muaj. Hallam, nga Herbert Street, Burnley, duhet gjithashtu të kryejë 30 ditë rehabilitimi dhe të jetë në përputhje me një kërkesë për abstenim alkooli 60 ditë. Të dyja duhet të paguajnë një shtesë ligjore.
