Erald Mejdani është larguar nga shtëpia në Ballsh datën 8 janar dhe që nga ajo ditë i ka humbur kontaktet me familjarët. Babai i tij ka bërë denoncimin në polici. Kjo e fundit është vënë në kërkim të 35-vjeçarit, baba i një fëmije. Ende është e paqartë nëse ka dalë nga territori shqiptar.
Familja nuk ka folur për kamerat e televizioneve për shkak të një fatkeqësie familjare. Në tetor të 2020-ës ata kanë humbur vajzën. Kjo është një nga arsyet që Erald Mejdani kohët e fundit ishte i ngarkuar emocionalisht. Kurse sipas dëshmive të fqinjëve, kishte pasur edhe disa probleme me bashkëshorten. Mejdani punonte si emigrant në Greqi.