Një 20 vjeçare ka pësuar djegie të shumta duke u përpjekur të shpëtojë qenin, i cili ishte futur në ujërat termalë të Parkut Kombëtar Yellowstone, sipas autoriteteve. Ishte babai i saj, i cili e nxori nga uji duke e dërguar menjëherë në spitalin më të afërt rajonal, shkruan BBC
Vajza kishte pësuar “djegie të shumta” në të gjithë trupin, ndërsa qeni fatkeqësisht nuk ia doli të mbijetonte. Në një deklaratë, Shërbimi i Parkut Kombëtar të SHBA-së tha se 20 vjeçarja doli nga automjeti i saj për të ndjekur qenin e saj.
Ajo u fut në ujërat termalë të njohur si Maiden’s Grave Spring për të shpëtuar qenin, duke i shkaktuar vetes djegie të shumta te shpatullat dhe këmbët. Temperatura e ujit në Maiden’s Grave është 93C, sipas zyrtarëve të parkut./abcnews
