25 prill 1957 – Ardhja e dy minaheqëseve bregdetare Projekt 255
Datë në historinë e Forcës Detare Në bazë të marrëveshjes midës Shqipërisë dhe ish-BRSS të datës 4 shkurt 1957, në 25 prill 1957, mbërritën në Shqipëri, Durrës, dy minaheqëse bregdetare Projekt 255, të nisura nga Odesa dhe që më pas do të quheshin “Dragaminat e Radës” ose “Dragaminat e Vogla”. Këto ishin dy të parat në paketën prej gjashtë minaheqëse të këtij projekti që do të pajisej Flota Luftarake Detare deri në vitin 1960.
Në 17 maj 1957 në prezencë të autoriteteve të larta shtetërore, në portin e Durrësit, u ngrit flamuri luftarak në bordin e dy minaheqëseve, tashmë me numër bordi MH 333 “Vlora” dhe MH 334 “Himara”. Komandant i minaheqëses MH 333 “Vlora” u emërua Toger Selam Qejvani dhe i MH 334 “Himara”toger Vangjel Nano. Dy minaheqëset u rrjeshtuan organikisht në Grupin e Minaheqëseve me komandant Kapiten i Rangut të Tretë Mark Plani.
Dy minaheqëset do të ishin pjesë e operacionit të çminimit të Kanalit të Korfuzit midis Flotës Luftarake Detare Shqiptare dhe Forcave Detare Greke nga 15 mars deri 2 gusht 1958. Mbas ardhjes në katër minaheqëseve të tjera, gjashtë minaheqëset u ndanë midis Flotiljes së 52 të Sazanit dhe Flotiljes 66 të Durrësit dhe më pas 1974, BUD-eve respektive. Në vitin 1993, mbas riorganizimit të Forcave të Mbrojtjes Detare, pseë nga minaheqëset e Projektit 255 dhe 255K i kaluan Distriktit Detar të Durrësit (kepi i Palit) derisa dolën nga armatimi. Minaheqësja e gjashtë në atë ishte kohë rimont në Kantierin Detar të Pashalimanit dhe u planifikua për ti kaluar Shërbimit Hidrografik, kalim i cili nuk u bë kurrë për shkak të ngjarjeve të vitit 1997. Nga Artur Mecollari
