Rastet e konfirmuara sot pozitive nga Ministria e Shëndetësisë në qarkun e Beratit janë pensionistë dhe të papunë. Vetëm një rast i prekur me Covid-19 është konfirmuar në drejtorinë e Ujësjellësit Berat. Në këtë institucion ka rezultuar e infektuar një specialiste.Rastet e pensionistëve të prekur me koronavirus po rriten nga dita në ditë.
Burimet zyrtare pranë Drejtorisë së Shëndetit Publik Berat bëjnë me dije se nuk ka pasur raste me simptoma të rënda mes të infektuarve. Nga reparti Covid-19 në spitalin rajonal të Beratit konfirmohet se nga 14 të shtruar që ndodhen aktualisht në këtë vetëm një pacient është i oksigjenuar kurse të tjerët janë me simptoma të lehta. Aktualisht në qarkun e Beratit regjistrohen 811 raste aktive.
