“E dashur psikologe, një ditë hyra tek kompjuteri i babit për të dërguar një email dhe gjeta prova që më bëjnë të dyshoj se ai ka marrëdhënie me një burrë tjetër. Unë lexova disa mesazhe në adresën e tij që më shokuan. Nuk doja ta bëja dhe të hyja në privatësinë e tij, por më shkuan sytë vetë.
Në mesazhe kishte fjalë dhe deklaratë që asnjë mik i ngushtë nuk mund t’i bëjë, ato fjalë kalonin përtej miqësisë. Madje mesa kuptova, përveç mesazheve të shkëmbyera, ata ishin takuar shpesh. Pyes veten nëse duhet t’i tregoj mamasë apo jo. Unë jam 27 vjeç dhe nuk jetoj me ta, por kur shkova me pushime zbulova të vërtetën e hidhur.Unë i kam provat në dorë, por e shoh babain të mërzitur këto kohë, mbase është i mërzitur me mamanë time.
Nuk ma merrte mendja kurrë se babai im mund të ishte gay dhe të kishte ndjenja për një burrë tjetër. Unë mendoj se mamaja duhet t’i dijë këto gjëra që kam zbuluar. Më tregoni a është gjëja e duhur,” i ka shkruar 27-vjeçari psikologes.
Psikolgia: Unë e kuptoj shqetësimin tuaj, por ju mund të hapni telashe të mëdha, mbase pa shkak. Mbase ju i keni keqkuptuar ato email-e. Babai juaj nëse është i mërzitur nuk besoj së është për shkak të preferencave të tija seksuale. Unë mendoj që të mos ngatërroheni me këtë çështje dhe t’i lini ata t’i zgjidhin vetë problemet e tyre.
