Rubrika “Shqipëria pa filtra” në emisionin “BOOM” në RTV Ora këtë të premte solli një histori të veçantë të një djali nga fshati Mbrakull i bashkisë Poliçan. Olti Kajo, është invalid dhe pjesën më të madhe e kalon brenda në banesën e tij. Ai kishte dërguar një mesazh me një kërkesë të veçantë në redaksinë e “BOOM”.
Argëtimi i vetëm është televizori dhe për këtë ka kërkuar abonim 1 vjeçar në DigitAlb. Në këtë prag festash, DigitAlb u tregua i gatshëm që t’ja plotësojë këtë dëshirë Oltit pas kërkesës së “BOOM”. Gazetarja e “BOOM” udhëtoi drejt fshatit Mbrakull për tu takuar me Oltin, por edhe për ti dhënë lajmin e mirë.
Olti Kajo: Tërë ditën në shtëpi. Shumë faleminderit dhe jua bëftë Zoti mbarë.
E ëma: Olti tre ditë ka qenë fëmijë normalë, është sëmurë që në maternitet. Pastaj siç thonë doktorët i ra verdhëza. Nuk është ngritur fare në këmbë.
