31 raste te reja me COVID 19 u njoftuan këtë të mërkurë në Greqi, duke e çuar numrin e përgjithshëm të të infektuarve në 418. Nga këta, 5 persona kanë humbur jetën deri më tani.
Sipas autoriteteve, 69 pacientë janë shtruar në spital, 13 prej tyre në intubim.
Mosha mesatare e këtyre të fundit është 76 vjeç. Deri tani janë testuar më shumë se 6,000 monstra.
Takimet më shumë se 10 persona janë të ndaluara
Mbledhjet me 10 ose më shumë persona janë të ndaluara që nga nesër, dhe do të ndëshkohen me gjobë prej 1.000 euro për person.
Për sa i përket bizneseve, ato duhet të operojnë nga distanca, dhe aty ku natyra e biznesit nuk e lejon operimin nga distanca, bizneset operojnë me stafin e nevojshëm të rotacionit, duke iu përmbajtur rreptësisht distancës së nevojshme midis punonjësve.
Zëvendësministri i Mbrojtjes Civile, Nikos Chardalias, përsëriti rekomandimin e rreptë për qytetarët që të qëndrojnë në shtëpitë e tyre në mënyrë që të shmangin kontaktin maksimal me njerëzit jashtë rrethit të tyre të ngushtë familjar.
