Itali | Konfliktet e vjetra në punë, mëria dhe disa gota më shumë… një miks që i kushtoi shumë një 31-vjeçari shqiptar i cili u denoncua për dhunë fizike.
Sipas mediave italiane, gjithçka nisi kur i riu shkoi në sipërmarrjen e ndërtimit në Bressanone ku kishte qenë i punësuar, në gjendje dukshëm të dehur. Shumë shpejt u ngritën tonet me drejtuesin e kompanisë, të cilit shqiptari i kërkonte një rrogë të prapambetur. E nga fjalët tek veprat: 31-vjeçari e sulmoi fizikisht ish-punëdhënësin e tij duke e goditur me shkelma e grushta.
Menjëherë në vendin e ngjarjes shkuan karabinierët e Bressanone, që u njoftuan nga policia lokale, e cila ndodhej në vendngjarje dhe po përpiqej të menaxhonte situatën.
Pasi iu kthye edhe forcave të rendit, në fund 31-vjeçari u ndalua dhe u dërgua në burgun e Bolzanos.
Gjykata e vlerësoi arrestimin të ligjshëm, megjithatë, pasi ai pranoi fajin vendosi që ta lerë 31-vjeçarin në arrest shtëpie në zonën e Trevisos-s ku ai banon
