“35 euro gjobë kush nuk mban maskë”, Kosova vendos ligjin e ri

Nga dita e sotme të gjithë qytetarët e Kosovës, të cilët nuk mbajnë maskë do të gjobiten me 35 euro. Ligji i iniciuar nga Kryetarja e Kuvendit, Vjosa Osmani ka hyrë në fuqi dhe është botuar në Fletoren Zyrtare, ndërsa parashikon edhe një gjobë prej 2 mijë euro edhe për personat juridik. “Personi juridik që organizon aktivitete të ndaluara me vendim të Organit Kompetent dënohen me gjobë prej dy mijë (2000) euro dhe ndalimin e aktivitetit, ndërkaq personi përgjegjës i personit juridik dënohet me gjobë me dymijë (2000) euro”, thuhet në nenin 25, pika 1 të Ligjit për Pandeminë. Po ashtu me nga 500 euro, parashihet të gjobiten ata që nuk respektojnë karantinën, si dhe personat juridik që nuk krijojnë hapësirën për distancë fizike. Kosova është një nga vendet e rajonit me numrin më të lartë të të prekurve dhe vīktimave. Deri tani numri i personave të infektuar që nga fillimi i pandemisë ka shkuar në 12.683, ndërsa 488 nuk e kanë fituar dot betejën me Covid-19.