4 vite burg ka kërkuar Prokuroria e Posaçme për gjyqtaren e Elbasanit, Zamira Vyshka, e cila akuzohet për korrupsion. Ndërkohë, për shkak të gjykimit të shkurtuar Vyshkës do i ulet 1/3 e dënimit dhe përfundimisht u kërkuan 2 vite e 6 muaj.
Gjyqtarja e Elbasanit Zamira Vyshka dhe avokati Ilir Pashaj, ish gjyqtar i larguar nga detyra para vetingut, u arrestuan më 22 korrik të vitit 2022 me urdhër të SPAK, me akuzën e korrupsionit me një skemë të uljes së dënimit ndaj një shtetasi kundrejt ryshfetit.
Gjyqtarja u akuzua se kishte marrë 4 milionë lekë për të lehtësuar masën e sigurisë për shtetasin Zhuliano Musai, i akuzuar për plagosje.
