TEK URA NË DRASHOVICË.
80 vite nga lufta e Drashovicës, një nga betejat frontale më legjendare të Luftës Nacional Çlirimtare ndodhur në Zonën e Parë Operative, Vlorë-Gjirokastër.
Çetat e batalionet në bashkëveprim edhe me forcat teritoriale të zonës, pre 15 Shtatorit e deri në 04 Tetor, arritën të çarmatosin ushtrinë italiane e menjëherë të përballen me mbi 1 mijë ushtarë nazistë, dislokuar në gazermat e Kotës e për rreth.
Një luftë nga më të ashpërat e ballë për ballë me armikun me fitimtarë partizanët. Sot pas 80 vitesh, përmes një aktiviteti e ceremonie të organizuar nga Bashkia e Selenicës në bashkërendim edhe me Këshillin e Qarkut Vlorë, u përkujtua me shumë nderim e mirënjohje jubileu i madh i dekadës së 8-ë.
Lavdi e mirënjohje për luftëtarët, nderim për 23 dëshmorët që derdhën gjakun por edhe për të plagosurit, midis tyre bijtë e shquar të Labërisë; Hysni Kapo, Arif Hasko e Mevlan Dervishi. Kryetari i Bashkisë së Selenicës, Nertil Bellaj mbajti fjalën e rastit pastaj përshëndetën edhe Balil Banushi, kryetar i shoqatës së veteranëve dhe Blendi Klosi, deputet, përgjegjësi politik i qarkut të Vlorës. Në fund një koncert artistik me grupet labe të zonës dhe këngëtaren Ludmilla Baballeku . Lavdi 80 vjetorit të Luftës së Drashovicës! Nga Sejmen Gjokoli
