Mes vështirësive ekonomike, pa mbështetje nga askush dhe me besimin e plot tek aftësit dhe ëndërra e tij, kjo është me pak fjalë jeta e Klevis Çelaj-t, kampionit të boksit në kategorinë elitë për të rritur, pesha 52 kg, të shpallur në datën 6 nëntor, në kampionatin kombëtar të boksit. Pavarësisht kushteve të këqija ekonomike, Klevisi, gjen forcën për të ecur përpara të jetoj ëndërrën e tij, duke u stërvitur tek një thesë boksi të vendosur në shtëpin e tij, të cilin edhe atë ja kanë dhuruar, pa mbështetje nga qeveria e vendit, bashkia e Vlorës si dhe federata kombëtare e boksit, teksa për medaljen e kampionit që fitoi deklaron se mori si shpërblim 14.000 lek të reja, që në fund nuk i dalin as për të blerë dorezat e boksit.
Boksieri Çelaj nga Vlora tregon sesi i duhej të përgatitej për fitoren e titullit, disa muaj stërvitje intensive, si dhe muajin e fundit dieta rigoroze për rrënien nga pesha, vezë të zier në mëngjes dhe vetëm një gjysmë molle jeshille pas 3 orëve stërvitje intensive. E ëma e Klevisit, Vasilika Çelaj, tregon sesi prej 8 vitesh djali i saj ëndërron të bëhet boksier, teksa me lot në sy nuk e pranon dot vështirësitë që gjenden, sado që mundohet ta mbështesi cdo ditë. Vasilika rrëfen gjithashtu sesi një familje me 5 persona duhet të jetoj me kempin që merrë e motra e cila vuan nga problemet mendore, e cila edhe ajo vetë sado që sflet, por mes lotëve e kupton dhimbjen që ndien Klevisi.
Pavarësisht vështirësive Klevisi nuk heq dorë, premton fitore edhe në ndeshjen e rradhës, teksa është në pritje të kundërshtarit për mbrojtjen e titullit kampion.