“Big Brother Vip” duket se është kthyer në një temë diskutimi për shikuesit si dhe për personazhet e njohur të ekranit, duke qenë se brenda shtëpisë më të famshme në Shqipëri ka figura “Vip” të showbiz-it shqiptar. Për këtë temë është pyetur së fundmi edhe Stresi. Reperi ka zhvilluar një mini-intervistë me ndjekësit e tij ku dhe ka treguar dy arsye pse nuk do të donta që ta provonte këtë eksperiencë.
Ai ka publikuar në InstaStory një foto të Donaldit, dhe ka shkruar se njëra arsye pse nuk do të bëhej pjesë është se aktori është banor i shtëpisë, duke shtuar se ai është i duhuri për atë format. Po ashtu ai tregoi se ky program nuk është i përshtatshëm për të. “Nuk jam unë për këto eksperimente”, shkruan reperi. Kujtojmë se para disa ditësh Stresi është kthyer në Shqipëri, pas shumë muajsh që ndodhej në arrati. Ai ka publikuar në Instagram një video nga aeroporti i Tiranës ku prindërit dolën për ta pritur. “Familjen mbi gjitha , Mir Se Ju Gjeta ”
Sjellim në vëmendje se gjatë kohës në arrati, Stresi dhe Keisi i dhanë fund lidhjes së tyre. Kohë më parë ai e konfirmoi publikisht lajmin e ndarjes, por shtoi se Keisi dhe familja e saj do të kenë gjithmonë respektin e tij. “Po ua shpjegoj një herë e mirë të gjithëve ju që me zor e prisni këtë lajm dhe do ju bëhet qejfi se kështu jeni ju. Vajzë më të mirë dhe familje më të mirë se ajo, sot e 1000 vjet unë s’do gjej më, por jeta kështu është nuk mbaron këtu, vazhdon, kështu që boll më me këto pyetje. Jo s’jemi më bashkë”, tregoi Stresi.
