Një ditë pas marrjes së detyrës, Prokuror i Përgjithshëm Olsian Çela, ka shkuar sot në Durrës, për parë nga afër hetimet për ndërtesat e shembura pas tërmetit të 26 nëntorit. Pas takimit me drejtues të Prokurorisë së Durrësit, në një deklaratë për mediat Olsian Çela u shpreh i kënaqur nga rezultati i deritanishëm i punës së prokurorisë në Durrës dhe shprehu mbështetjen që Prokuroria e Përgjithshme do ti ofrojë.
“Ofrimi i mbështetjes maksimale nga ne si Prokuroria Përgjithshme për rastin në fjalë dhe rritjes së koordinimit për të siguruar një hetim të shpejtë dhe eficent. Situata është e qartë, puna e bërë është shumë e mirë, jam i kënaqur me atë që dëgjova. Shumë shpejt rezultat do të jenë të prekshme. Individë të papërgjegjshëm kanë shkelur ligin dhe pasojë e ardhur është vdekja e shumë personave ne këtë kuadër besoj se zbatimi i ligjit do të jetë korrekt.”- tha Çela.
I pyetur nga Fax News, nëse do të ketë arrestime për vdekjen e 51 personave, Çela përsëriti se ka persona që kanë shkelur ligjin dhe se do të mbajnë përgjegjësi për këtë.
“Ka njerëz që kanë shkelur ligjin shumë njerëz dhe për këtë kanë humbur jetën. Përgjegjësia që do të mbahet është tek ato që kanë shkelur ligjin. Nga ana jonë prokurorëve u është garantuar mbështetja e plotë prokurorisë së Durrësit. Ato janë të pavarur dhe në do të garantojmë pavarësinë e tyre.”- u shpreh Çela.
