Një ngjarje e pazakontë është regjitruar në Greqi, ku një adoleshent ka vjedhur një nga celularët e një prindi i cili kishte çuar tre fëmijët e tij për të luajtur në një kënd lojrash në zonën e Kokkino Metohi në Hania.
Sipas mediave greke, adoleshenti telefonoi burrin që i vodhi celularin, pak çaste pas vjedhjes duke i thënë se mendon se telefoni në fjalë që supozohet se ai bleu është i vjedhur, nga një shtetas nga Pakistani që ia “shiti”.
Burri ka kërkuar kthimin e pajisjes, pasi kishte disa numra të rëndësishme që i duheshin me patjetër dhe kështu i premtoi adoleshentit se do t’i jepte 20 eurot që supozohet se ky i fundit i kishte dhënë pakistanezit. Por, më vonë burri u njoftua nga një fqinj se kishte parë fëmijën duke i vjedhur celularin.
