Ish-kryeprokurori Adriatik Llalla është marrë si i pandehur nga gjykata për akuzën mosdeklarim të të hollave në kufi. Gjykata vendosi kalimin në gjyq për akuzën sipas nenit 257/a/2, të kryer tri here. Po ashtu gjykata i hoqi sekuestron ndaj pasurive që i ishin sekuestruar. Me akuzën e ngritur nga Prokuroria ish-Kryeprokuri rrezikon të dënohet me gjobë deri në tri vite burg. Kujtojmë se pak kohë më parë Prokuroria e Posaçme kundër Korrupsionit dhe Krimit të Organizuar Tiranë përfundoi hetimet paraprake për proçedimin penal Nr.65, viti 2019, në ngarkim të shtetasit Adriatik Llalla, me funksion ish – Prokuror i Përgjithshëm i Republikës së Shqipërisë.
Në përfundim të hetimeve paraprake, pasi janë kryer të gjitha veprimet e mundshme dhe të nevojshme hetimore, pasi janë vlerësuar të gjitha provat e administruara gjatë hetimeve, shtetasi Adriatik Llalla është marrë i pandehur dhe i është njoftuar akuza për kryerjen e veprës penale: “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, të kryer tre herë, të parashikuar nga neni 257/a, paragrafi (2) i Kodit Penal. (M.Q/Faxweb.al)
