Sic jeni në dijeni, Kadastra Shqiptare ka nisur punën që prej muajit Maj 2020, për përfundimin e procesit të regjistrimit fillestar në fshatrat e Bregdetit të Jugut. Pas një pune voluminoze të punonjësve tanë në terren dhe në zyrë, por edhe institucioneve të tjera që ndihmuan në këtë proces, është realizuar produkti i parë i këtij procesi dhe është pikërisht ZK 1982, Fshati Ilias.
Nga ana e ASHK është administruar dhe digjitalizuar informacioni i nevojshëm për përfundimin e procedurave për këtë fshat, duke bashkëpunuar me institucionet përgjegjëse, por mbi të gjitha kemi pasur një bashkëpunim shumë produktiv me vetë banorët e këtij fshati. Falë këtij bashkëpunimi është arritur të identifikohen me sukses parcelat bujqësore që banorët posedonin dhe pasqyrimi i tyre në një regjistër kadastral. Gjithashtu, janë evidentuar të gjitha objektet e kësaj zone kadastrale dhe së shpejti do të përfundohet edhe procedura e pajisjes me dokumentacionin e fitimit të pronësisë së këtyre objekteve, bazuar në informacionin e prodhuar nga ky proces.
Pas gjithë sa më sipër, nga punimet fushore dhe nga administrimi i dokumentacionit shtetëror për aktet e pronësisë në këtë fshat, rezultojnë 550 pasuri të paluajtshme të përfshira në këtë zonë kadastrale.
Nga ASHK, është përfunduar produkti për fazën e parë të regjistrimit fillestar dhe po bëhen pregatitjet e nevojshme për të filluar gjatë javës së ardhshme afishimin publik 45-ditor, për këtë zonë kadastrale.
Megjithëse nga ana jonë janë tejkaluar të gjitha afatet ligjore të pritjes së informacionit, përpara hedhjes së hapit të fundit, (afishimi publik) po bëjmë një thirrje të fundit (!!!) që të gjithë subjektet që kanë interes të ligjshmë për pasuritë e paluajtshme në këtë zonë, të paraqiten pranë zyrave tona të informimit për të konsultuar pasuritë e tyre.
Njëkohësisht, për ata që mund të jenë jashtë kufijëve dhe në pamundësi për t’u konsultuar me regjistrin të publikuar në fshat, ASHK do të publikojë hartën kadastrale në një portalin zyrtar dhe në fb, ku mund të aksesohet dhe konsultohet ky informacion.
Gjithashtu gjatë kësaj përiudhe në zyrën e afishimit publik mund te depozitohen dokumentacion pronësie si dhe cdo pretendim apo ankesë në lidhje me të dhënat e pronësisë. Përjashtimisht, në rastet kur do të jetë e nevojshme depozitimi i dokmentacionit original të akteve të pronësisë, ai do të dorëzohet sipas procdurës ligjore të pranimit të dokumentave pranë DVASHK Vlorë.
Te gjithe titullmbajtësit janë të mirëpritur në zyrat e afishimit publik për të përfunduar më sukses këtë proces dhe pajisjen me certifikatë pronësie.
