Maturantët që nuk kanë aplikuar me formularin A1/A1Z, do të kenë mundësinë të plotësojnë formularin online sot, më 8 tetor.
Qendra e Shërbimeve Arsimore bën të ditur se të gjithë maturantët e këtij viti apo të viteve të kaluara, të cilët për shkak të pandemisë COVID-19 nuk kanë mundur të aplikojnë për formularin A1/A1Z, Qendra e Shërbimeve Arsimore (QSHA) njofton se ata mund të kryejnë aplikimin në Portalin e Maturës Shtetërore ditën e sotme nga ora 9:00-14:00.
Sipas QSHA, plotësimi i formularit A1/A1Z do të kryhet në shkollat ku maturantët/kandidatët kanë kryer arsimin e mesëm të lartë ose në shkollën e përcaktuar nga KMSH e vendbanimit, nëse shkolla e mesme që kanë përfunduar është mbyllur.
