Kryeministri Edi Rama i bëri një dhuratë të veçantë presidentit turk, Rexhep Taip Erdoganit gjatë vizitës së tij në Shqipëri. Një vepër artistike, që sikurse tha Rama e ka bërë me duart e veta.
Pikërisht këtë sekuencë që e bëri publike dje kryeministri Rama e ka ironizuar aktori i njohur i humorit shqiptar, Agron Llakaj.
Ai ka publikuar momentin kur Rama i jep dhuratën Erdoganit dhe e ka dubluar me një sekuencë nga filmi ‘Zonja nga Qyeti’, pikërisht momenti kur aktori që luan rolin e Koçit i tregon Ollgës punët e veta. “DUBLIM/ Dhurata e çmuar nga Rama per Erdogan…”, shkruan Llakaj.
