Ministri i Shtetit për Rindërtimin, Arben Ahmetaj, me anë të një postimi në Facebook ka zbuluar sot një nga tre zonat e reja për zhvillim në qytetin e Durrësit, pas tërmetit fatal që goditi Shqipërinë. Duke e demonstruar me anë të një fotoje, ai tregon një nga tre zonat e reja për zhvillim në Durrës. Ahmetaj sqaron ndër të tjera se plani në fjalë parashikon përtej strehimit, edhe rehabilitimin mjedisor dhe urban për rijetëzimin e zonës, e për ta shndërruar në një pol të ri urban për Durrësin.
Statusi
#Rindertimi Durrës- Kjo është një nga tre zonat e reja për zhvillim në qytetin e Durrësit.
Zona 1, në territorin e ish-uzinës mekanike bujqësore, me një sipërfaqe prej 10.13 hektarë, mundëson plotësimin e një pjese të nevojave për strehim në banesa kolektive në këtë qytet. Plani parashikon përtej strehimit, edhe rehabilitimin mjedisor dhe urban për rijetëzimin e zonës, e për ta shndërruar në nje pol të ri urban për Durrësin.
