Presidenti i Kosovës Hashim Thaçi përmes një postimi në rrjetin social Facebook, ka folur për marrëdhëniet e Kosovës me SHBA-të. Thaçi ndër të tjera shkruan se Kosova është e bekuar me përkrahjen e përhershme të SHBA-së.
Reagimi i plotë i Thaçit: “Presidenti i SHBA-së, Donald Trump, ka treguar vëmendje të madhe për forcimin e paqes dhe stabilitetit në Ballkanin Perëndimor. Letrat e tij e kanë skicuar epilogun e procesit të dialogut ndërmjet Kosovës dhe Serbisë, i cili duhet të përfundojë me njohje reciproke.
Nën udhëheqjen e presidentit Trump dhe punën e shkëlqyeshme të ambasadorit Grenell jam besimplotë se ky proces do të përmbyllet së shpejti me njohje ndërmjet Kosovës dhe Serbisë. Jemi të bekuar me përkrahjen e përhershme të SHBA-së për popullin dhe shtetin e Kosovës”.
