“U kry! Ta gëzojnë brezat… Forca Shqipëri”, kështu shprehet Kryeministri Edi Rama duke publikuar edhe foto nga përfundimi i stadiumit kombëtar, në të cilën është e shkruar me gërma të mëdha emri i ri i “Air Albania Stadium”.
“Air Albania Stadium”, do të inaugurohet të dielën më 17 nëntor në mbrëmje, në përballjen mes kombëtares sonë të futbollit dhe asaj të Francës.
Ndeshja është e vlefshme për turin e fundit të grupit H, të eliminatoreve të Europianit 2020.
Në këtë ndeshje do të jetë i pranishëm edhe kreu i UEFA-s, Aleksander Čeferin.
